Ymateb y pab i bolisiau crefyddol

“Gwnaeth ymateb y Pab i bolisiau crefyddol Elisabeth fwy o niwed i’r berthynas Lloegr a’r pwerau Catholig nag unrhyw ffactor arall.” Trafodwch. Anghytunaf gyda’r gosodiad hwn- credaf fod ffactorau eraill pwysicach a wnaeth effeithio fwy ar hyn na’r Babaeth. Er hynny, rhaid cofio fod gan y Babaeth mwy o rym yn y cyfnod hwnnw na sydd yn bodoli heddiw. Roedd dylanwad y Pab yn arwyddocaol i’r Reciwsantiaid, ond nid oedd yn golygu llawer i Gatholigion dros Ewrop I gyd gan fod yna resymau eraill a gellir eu dadlau dros y dirywiad ym mherthynas Elisabeth â’r pwerau Catholig, megis y gwahaniaethau crefyddol a gwleidyddol ym mhlith gwledydd, a heb anghofio Mari Stiwart. Bu tri Pab yn y cyfnod 1568-1588 yn broblem i Elisabeth, sef Puis X, Gregory XIII a Sixtus V, sy’n dangos nad oedd y Babaeth yn gwbl ddi-rym. Roeddynt yn dangos gwrthwynebiad ac yn creu trafferth i Elisabeth. O 1567 ymlaen doedd Catholigion Cymru a Lloegr ddim yn cael mynychu gwasanaethau Anglicannaidd, ac roedd hyn yn un o’r rhesymau pam y bu iddi droi yn erbyn y Babaeth, gan y byddai wedi gallu achosi problemau mawr iddi, a hithau eisiau osgoi gwrthryfel yn ei herbyn. Ond, ni wnaeth hyn unrhyw niwed i’r berthynas rhwng Lloegr a phwerau Catholig eraill. Y pab, Pius X a wnaeth esgymuno Elisabeth, sef rhyddhau Catholigion Cymru a Lloegr o’u teyrngarwch i Elisabeth yn y gobaith o ehangu’r gwrthwynebiad. Roedd y Babaeth yn ymwneud â chynllwynion yn erbyn Elisabeth, megis Cynllwyn Throckmortion a Ridolfi, sef cynllwynion i ddisodli Elisabeth a rhoi meddiant y goron yn nwylo Mari Stiwart. Yn ogystal, o 1580 ymlaen dechreuodd offeiriaid Jesiwtaidd gyrraedd y wlad- roeddynt yn gweithio i’r Pab ac yn ceisio dod a Chatholigiaeth yn ôl. Dengys hyn sut roedd y Pab yn erbyn Elisabeth ac yn ceisio gwneud popeth i’w thanseilio a disodli ei grym. Roedd gweithredoedd y Babaeth yn gwneud Elisabeth yn amheus o’r pwerau Catholig. Roedd y Babaeth yn cefnogi polisiau Sbaen er mwyn cryfhau eu safle a gwneud y wlad yn